ما هو الروم و الروت و الريكفري

السلام عليكم ورحمة الله وبركاته

أكيد الكل تسائل عن ما هو الروم و الروت و الريكفري و شو الفائدة ؟ و ماهي طريقة التنزيل ؟

 طبعاً الشرح مني بشكل مختصر .. ما من غوغل
 أغلب مشاكل الناس من فائدة الروت و طريقة تنزيل الروم ..

نبدي الشرح  :) 

ما هو الروم : 

• ROM = Read Only Memory ... أو كما يعرف بالروم او السيستم أو النظام أو حتى الفريم وير طبعاً هي بالمصطلحات العربية .
• ما فهمت شو يعني روم :/ ... طبعاً يا اخي ... الأندرويد و هو نظام للجوالات .. متل الويندوز سفن نظام للكمبيوترات :) يعني الاندرويد هو نظام للجوالات الحديثة ... 
• طيب أخي فهمت .. شو مكونات الروم ؟ مكونات الروم هي جزئين بالرومات المطبوخة في مجلدين واحد اسمو سيستم و واحد اسمو ميتا-انفورميشن .... السيستم هو ملفات الروم و المجلد التاني فيه أوامر التنزيل 
• بمصطلح تاني ... وقت أنت بتنزل لعبة على الكمبيوتر .. بتشغل المثبت التلقائي و يلي هو بنزلك اللعبة . المثبت بشبيه بالميتا انفورميشن ... و اللعبة شبيهة بملفات النظام أو مجلد السيستم :)

ما هو الكيرنل  :

• الكيرنل يا أبو الشباب هو صلة الوصل بين الروم و الجهاز ... الكيرنل هي نواة اللينكس أو كتشبيه قريب ...
• الجهاز هو قنينة المي .... و النظام هو يلي بدو يشرب المي ... و الكيرنل هي طبّة المي ... :) يعني صلة وصل بين النظام و الجهاز (يلي بدو يشرب المي و قنينة المي ) هي هي الكيرنل .

ما هو الروت :

الروت ... شو هو الروت و شو فوائد الروت .. و يلي هو سؤال أعجز البشرية و العلماء :3 بس رح اشرحلكم ياه  ... رح نستخدم مثال قنينة المي حتى تفتح المي بدك تفتح الطبة تبعيت القنينة .. طيب يمكن ما الك حيل .. :P
شو الحل ؟ يمكن تستخدم سكينة حدّة و تقص تم القنينة و تشربها ... هاد هو الروت .. أنك تسكر القوانين و تشرب قنينة المي بدون ما تفتح الطبة 
منعرف الروت هو الدخول الى ملفات النظام بشكل فصحة ... بشكل عامي ... هو أنك تشتري سيارة و تغير المحرك ... و المحرك هو شبيه بسكربت تسريع للجهاز ... هاد هو الروت بأبسط شي :3 
شو فوائد الروت ؟
فوائد الروت بتجي بتسريع الجهاز و الرام و تهكير الالعاب و اختراق الاجهزة يلي على نفس الشبكة ... و كتيييير مميزات .. الو مساوئ ؟ يمكن مساوئو هي بطئ الجهاز بس في حالات نادرة .

بعض فوائد الروت معروفة بهل الفيديو :

اضغط هنا

و هالفيديو كمان فيه فائدة للروت :

اضغط هنا

و كتير فوائد :)

ما هو الريكفري :

• الريكفري هو ... اداة لتنزيل الرومات المطبوخة .. هي بس الشرح :3